Aidan Mhando, Mwanza
JESHI la Polisi Mkoa
wa Mwanza linamshikilia mkazi wa Mabatini Wilaya ya Nyamagana, Jumanne Nassib
(20), kwa tuhuma za kukamatwa akifanya mapenzi na mbuzi vichakani.
Akizungumzia
tukio hilo juzi, Kamanda wa Polisi, Ahmed Msangi alisema lilitokea Februari 8,
mwaka huu na mmiliki wa mbuzi
alifahamika kwa jina la Benedictor Bunga (33).
Kamanda alisema
mwenye mbuzi alikwenda kuwafunga kwenye malisho mbuzi wake sita na alipokwenda
kuwaangalia aliwakuta wakiwa watano.
“Saa tatu
asubuhi mmiliki wa mbuzi alikwenda kuwaangalia kwenye malisho alikowafunga kwa
ajili ya chakula na kukuta wakiwa watano. Alipatwa na mshtuko akaanza kumtafuta
vichakani,”alisema Msangi.
Alisema wakati
akiendelea kumtafuta ghafla mtuhumiwa alionekana akimuingilia mbuzi aliyepotea
ambapo mmiliki wa mbuzi alipiga kelele kuomba msaada na hatimaye kukamatwa.
“Mtuhumiwa yupo Polisi
na mahojinao yanaendelea kuhusu tuhuma zinazomkabili kwani jambo alilofanya ni
kosa kisheria. Utaratibu unafanyika ili kumpeleka mtuhumiwa hospitali
kuangaliwa kama ana akili timamu au la na uchunguzi ukikamilika atafikishwa
mahakamani,”alisema.
Msangi aliwataka
wakazi wa Mwanza kutoa taarifa wanapoona kuna mtu mwenye tabia kama hizo kwani hazikubaliki
ndani ya jamii.
0 comments:
Post a Comment