Jemah Makamba
 |
| Benjamin Mkapa |
RAIS mstaafu Benjamin Mkapa ametaka Watanzania
kujenga tabia ya kutembelea vivutio vya utalii nchini.
Akizungumza kwenye uzinduzi wa filamu ya
utalii ya Nshaba Ontwale Nyakijoga jijini Dar es Salaam hivi karibuni, Rais
Mkapa alisema vivutio vya utalii ni tunu ambayo Tanzania inazo, lakini wengi wa
Watanzania hawana utaratibu wa kuzitembelea.
Mtunzi wa filamu hiyo, Profesa
Wenceslaus Kilama alisema filamu hiyo yenye maana ya Naomba Nipeleke Nyakijoga,
inaonesha vivutio vingi vya utalii vya mkoa wa Kagera ikiwamo misitu inayovutia
ya Misenyi.
Hafla hiyo ilihudhuriwa na watu wa kada
mbalimbali wakiwamo wa kituo cha televisheni cha DSTV ambacho kilikuwa miongoni
mwa waliofanikisha filamu hiyo.
Profesa Kilama aliwataka Watanzania wawe
na kawaida ya kutembelea vivutio nchini na kwamba watakapoangalia filamu hiyo
wataona uzuri wa Misenyi.
0 comments:
Post a Comment