Suleiman Msuya
 |
| Ajali ya treni Ruvu |
TRENI ya Shirika la Reli Tanzania (TRL)
ambayo ilikuwa ikitokea mkoani Kigoma kwenda Dar es Salaam, imepata ajali
katikati ya Stesheni ya Ruvu na Mgeta mkoani Pwani.
Mkurugenzi wa TRL, Masanja Kadogosa
alithibitisha ajali hiyo akisema “Hapa nilipo naelekea katika eneo la tukio
hivyo tukifika ndio tutajua kila kitu ndivyo ninavyoweza kusema ila ni kweli
ajali imetokea.”
Kamanda wa Polisi Mkoa wa Pwani, Boniventure
Mushongi alithibitisha ajali hiyo kutokea na kwamba wapo njia kuelekea katika
tukio.
Alisema eneo ambalo ajali imetokea lina
changamoto ya mawasiliano hivyo akifika huko ndio ataweza kutoa taarifa kamili.
Taarifa ambazo JAMBOLEO ilizipata
zimeeleza kuwa katika ajali hiyo mabehewa saba yameanguka huku taarifa za
kuwepo majeruhi viongozi wa TRL na jeshi la polisi wakisema hawakuwa na
taarifa.
0 comments:
Post a Comment