Mkuu wa mkoa ashangaa watumishi kukosa mpango kazi

John Banda, Bahi

Jordan Rugimbana

MKUU wa mkoa wa Dodoma, Jordan Rugimbana, ameshangazwa na kitendo cha watumishi wote wa halmashauri ya Wilaya ya Bahi kukosa ratiba ya utekelezaji wa mpango kazi.

Mshangao huo wa mkuu wa mkoa unakuja, baada ya mkuu huyo kufanya ziara wilayani humo na kuanza kuzungumza na watumishi hao ili kujua jinsi wanavyotekeleza mpango kazi wao.

Rugimbana alisema kuwa inashangaza kuona watumishi hao hawana rariba ya utekelezaji wa mpango kazi wa maendeleo, akisema kuwa wilaya hiyo haiwezi kufikia malengo yake kutokana na  kazi kufanywa bila ratiba.

Mkuu huyo wa mkoa aliwauliza watumishi hao kuwa mwenye ratiba hiyo anyooshe kidole amruhusu kwenda kuichukua ili kuwa mfano kwa wengine.

Licha ya mkuu huyo kuuliza mwenye ratiba ya kazi kunyoosha kidole lakini kulionekana kuwa kimya  ishara yakuwa hakuna mwenye tariba hiyo.

"Kwa mtindo huu haiwezekani wilaya hii kupata mafanikio ya utekelezaji miradi yake wakati hakuna hata mtumishi mmoja ambaye anaratiba ya kazi

“Niwaambie ni muhimu kuwa na ratiba ya mpango kazi wa maendeleo kwa kila mtumishi na kwa kufanya hivyo itarahisisha utendaji wake", alisema.

Aidha aliwaahidi kurudi wilayani hapo baadaye na kukagua tena mipango kazi, huku akisisitiza kuwa asingependa kuona watumishi wa umma wanafanya mikutano isiyokuwa na tija.

Share on Google Plus

About Unknown