TIC yakubaliana na Waingereza kutafiti

 Abraham Ntambara

Charles Mwijage

KITUO cha Uwekezaji Tanzania (TIC) kimekubaliana na Taasisi ya Biashara ya Oxford, Uingereza kufanya utafiti wa hali ya uwekezaji kiuchumi na fursa za kibiashara nchini na ripoti kuandikwa vitabu ili kuitangaza Tanzania katika sekta ya uwekezaji.

Akizungumza wakati wa kusaini makubaliano hayo Dar es Salaam jana, Waziri wa Viwanda, Biashara na Uwekezaji, Charles Mwijage, alisema azma ya makubaliano hayo ni kuvutia wawekezaji.

“Wataalamu hawa wa watafiti kwenye biashara na uchumi, watazunguka nchi nzima kuangalia fursa za uwekezaji na biashara na kuwasiliana na wawekezaji wa ndani na nje,” alisema Mwijage.

Aidha, alisema alikwishamwambia Kaimu Mkurugenzi wa TIC kuwa haridhishwi na jinsi nchi inavyojitangaza na kubainisha kwamba kuna umuhimu wa kujitangaza.

Mwijage aliwataka watafiti hao kuleta taarifa nzuri zitakazovutia wawekezaji huku akiwashukuru kwa kuja kufanya shughuli zao nchini ikiwa moja ya nchi 12 ambazo tasisi hiyo inafanya shughuli zake.

Kaimu Mkurugenzi Mkuu wa TIC, Cliford Tandali alisema makubaliano hayo ni ya miezi minane na wataanza kazi kwa kuhoji viongozi wa Serikali wakiwamo mawaziri na wa Benki Kuu ya Tanzania (BoT) na Shirika la Maendekleo ya Petroli Tanzania (TPDC).

Share on Google Plus

About Unknown