Suleiman Msuya
 |
| Abdul Kambaya |
CHAMA cha Wananchi (CUF) kimesema kuwa kinajiandaa
kushiriki kikamilifu uchaguzi mdogo wa madiwani unatarajiwa kufanyika katika 22
Januari 23 mwakani.
Naibu Mkurugenzi wa Habari na
Mawasiliano CUF, Abdul Kambaya, alibainisha hayo wakati akizungumza na JAMBOLEO
jijini Dar es Salaam jana, huku akitaja maeneo watakayowekea mkazo.
Kambaya ambaye yupo upande unaomuunga
mkono Mwenyekiti wa CUF, Profesa Ibrahim Lipumba alisema chama hicho kitaweka
nguvu katika kata saba ambazo wanaamini watashinda, huku akiweka bayana kuwa
watashiriki kama chama na si Umoja wa Katiba ya Wananchi (Ukawa).
“Tumejipanga vilivyo kushiriki uchaguzi
wa marudio ambao utafanyika Januari 23 mwakani naamini kata saba zinatuhusu tunaweza
kuibuka washindi,” alisema.
Tayari Tume ya Taifa ya Uchaguzi imetoa
maelekezo kwa chama hicho kikitaka fomu za wagombea ziwe zimesainiwa na pande
zote mbili za CUF zinazotofautiana ili waweze kupitishwa.
Naibu mkurugenzi huyo alisema kutokana
na uchaguzi huo wameahirisha ziara za Mwenyekiti wa CUF, Profesa Ibrahim
Lipumba mikoani ili kujikita katika uchaguzi.
Kambaya aliwataka wana CUF katika maeneo
ambayo yanahusika na uchaguzi huo kujipanga vilivyo ili waweze kuibuka kidedea.
Aidha, alitoa wito kwa wanachama wa CUF
nchini kote kuendelea kujenga ushirikiano na mshikamano ili kuhakikisha kuwa
chama kinaimarika.
Kuhusu mgombea ubunge wa jimbo la Dimani
ambalo lipo wazi kutokana na kifo cha aliyekuwa Mbunge wa Jimbo hilo Hafidh
Ally Tahir aliyefariki mwezi uliopita mjini Dodoma, alisema hilo
linashughulikiwa na chama upande wa Zanzibar.
“Sisi tunahangaika na kata 22 za huku
bara ubunge tunawaachia Zanzibar wapange na kupitisha kwani wao ndi wanajua
mazingira ya siasa za huko,” alisema.
Alisema iwapo wakiamua kushirikiana na
vyama vya Ukawa hilo litakuwa ni jukumu lao kwani wana mamlaka hayo.
Juzi Tume ya Taifa ya Uchaguzi
ilitangaza kuitisha uchaguzi katika kata 22 na jimbo moja la Dimani Zanzibar
ili kuziba nafasi zilizoachwa wazi kutokana na wahusika kufariki.
0 comments:
Post a Comment