Wawili CUF wakataa uteuzi

Suleiman Msuya

Profesa Ibrahim Lipumba

WANACHAMA wawili Masoud Ali Said na Zainabu Lipalapi walioteuliwa na Profesa Ibrahim Lipumba kushika nafasi mbalimbali ukiwamo ujumbe wa Bodi ya Wadhamini ya CUF wamekataa uteuzi.

Hayo yalibainishwa jana na Naibu Mkurugenzi wa Habari, Uenezi na Uhusiano wa Umma, Mbarala Maharagande.

Alisema hii ni mara ya pili kwa wanachama wa CUF wanaojitambua kukataa uteuzi wa Lipumba kushika uongozi na kumweleza wazi kuwa hana mamlaka hayo kwa kuwa alishafukuzwa uanachama.

Maharagande alisema Diwani wa CUF Viti Maalumu Lindi, Lipalapi alikataa kupokea uteuzi wa kuwa mjumbe wa Bodi ya Wadhamini.

Alibainisha kuwa Lipalapi alisema hatambui uteuzi huo hivyo amtoe atafute mtu mwingine kuepuka matatizo na familia yake.

Maharagande alisema kutokana na hali hiyo, Lipumba na wenzake wanampa wakati mgumu Msajili wa Vyama vya Siasa na vyombo vya Dola, kwa kuwa RITA haiwezi kusajili Bodi yenye wajumbe wanane badala ya tisa kama Katiba ya CUF inavyotaka.

Share on Google Plus

About Unknown