Waliosailiwa Juni watakiwa JKT

Sharifa Marira

Dk. Hussein Mwinyi

WAZIRI wa Ulinzi na Jeshi la Kujenga Taifa (JKT), Dk Hussein Mwinyi, ametaka vijana wote waliosailiwa Juni kujiunga na JKT kwa kujitolea, waripoti kwenye kambi  walizopangiwa ifikapo Desemba mosi kwa kujilipia nauli.

Ili kufanikisha suala hilo, Wizara  imemtaka Mkuu wa JKT kufufua kambi ya Makuyuni, ili iwe miongoni mwa zitakazotoa mafunzo kwa vijana wa JKT kabla ya Desemba mosi.

‘’Tunaomba Mkuu huyo pia ahakikishe shughuli zote zinazofanyika hapo kambini kama vile shule, kilimo na ufugaji ziondolewe mara moja, kambi ya Luwa na Milundikwa mkoani Rukwa, zirejeshwe kwa shughuli za JKT za kilimo na ufugaji,’’ alisema Dk Mwinyi.

Aliagiza pia kambi ya Mpwapwa irejeshwe kuendesha mafunzo ya kilimo na ufugaji ndani ya JKT, na kwamba utekelezaji wa maagizo hayo unaanza mara moja na Mkuu wa JKT atatoa maelekezo ya utekelezaji wake.

Alisema Juni vijana 14,000 waliohitimu kidato cha sita walijiunga na mafunzo ya JKT kwa mujibu wa sheria, kumaliza mkataba wao wa miezi mitatu Septemba.

“Serikali inataka vijana wote waliomaliza kidato cha sita Mei ambao hawajajiunga na vyuo vya elimu ya juu, wakaripoti kwenye kambi za JKT kwa utaratibu ambao Mkuu wa JKT ataelekeza,’’ alisema Dk Mwinyi.  

Share on Google Plus

About Unknown