Serikali kujenga vituo 100 vya dharura

Emeresiana Athanas

Ummy Mwalimu

SERIKALI imedhamiria kujenga vituo 100 vya kutoa huduma ya dharura kwa wanawake wenye matatizo ya uzazi vijijini.

Hayo yalisemwa Dar es Salaam juzi na Mkurugenzi wa Mafunzo,Wizara ya Afya, Maendeleo ya Jamii, Jinsia, Wazee na Watoto, Dk Otilia Ogwelle wakati wa ufunguzi wa kongamano la tatu la afya nchini.

Dk Otilia alisema hiyo ni moja ya hatua za kupunguza vifo vya wanawake vinavyotokana na uzazi ambapo vituo hivyo vitakuwa vikitoa huduma za upasuaji bila kwenda hospitali za mkoa au wilaya.

Alisema lengo la Serikali ni kusogeza upatikanaji huduma za afya kwa wananchi kwa kushirikiana na sekta binafsi ambapo imedhamiria kufikisha asilimia 74 ya upatikanaji wa zahanati, vituo vya afya na wataalamu wa afya katika maeneo mbalimbali.

Rais wa Kongamano hilo, Dk Omary Chilo alisema upatikanaji wa huduma za afya nchini bado ni finyu, na kuweka wazi kuwa kupitia mkutano huo uliokutanisha wadau utatoa fursa ya utoaji mapendekezo ya namna ya kutatua tatizo hilo.

Alisema mkutano huo utajadili changamoto kwenye sekta ya afya likiwamo suala la upatikanaji dawa na kuona namna ambavyo viwanda hivyo vitaongezwa.

Share on Google Plus

About Unknown