Immaculate Ruzika
 |
| Charles Mwijage |
WAZIRI wa Viwanda, Biashara na
Uwekezaji, Charles Mwijage, amewaambia makamishina wa ardhi kuwa hatakubali
kuondoka peke yake kama italazimika atumbuliwe.
Mwijage alisema hayo jana jijini Dar es
Salaam, alipokuwa akizindua Kitengo cha Huduma ya Pamoja Mahala pa Kazi cha Kituo cha Uwekezaji Tanzania
(TIC).
‘Sitakubali kuondoka peke yangu,
ikitokea nimetumbuliwa basi mjue nitaanza na nyie, kabla mimi sijatumbuliwa’’,
alisema.
Kauli ya Mwijage imefuatia malalamiko yanayokuwa
yakitolewa na wawekezaji kuwa wakiomba ardhi kwa jili ya kuwekeza
wanasumbuliwa.
Waziri huyo alisema kuwa maafisa hao
wanatakiwa kuwajibika na siyo kujiona miungu watu ili kuweza kufikia lengo la
Tanzania kuwa nchi ya viwanda.
Mwijage aliweka bayana kuwa usumbufu huo
sio tu kwenye ardhi, hata kwenye kupata leseni ya biashara ni shida, kibali cha
kuishi nchini mambo yale yale, hivyo wawekezaji wakiona usumbufu wanakimbia.
Aidha Mwijage aliwaomba watendaji wa
Serikali wanaoshughurika na wawaekezaji, wafanye majukumu yao, kwani hivi sasa
Tanzania kuna viwanda 1845, ambavyo vinatakiwa viongezeke ili kupanua wigio wa
ajira kwa vijana.
‘’Naona watu mnashangaa ninasema
Tanzania tuna jumla ya viwanda 1845, ambavyo ni viwanda vidogo, vya kati na
vile vikubwa’’, alisema.
Waziri huyo alisema kuwa wameamua kuanzisha
huduma hiyo TIC ili iwe rahisi kuwahudumia wawaekezaji, kwani kila anachohitaji
kuhusu uwekezaji atakipata hapo.
Alisema katika huduma hiyo kutakuwa na
watu wa Uhamiaji, Mamlaka ya Mapato Tanzania (TRA), BRELA, Shirika la Viwango
Tanzania (TBS), na Ardhi, ili muwekezaji atakapofika TIC awe na
uhakika wa kumaliza mahitaji yake yote yanayotakiwa.
Naye Kaimu Mkurugenzi wa TIC, Cliford Katondo alisema kuwa lengo la kuanzisha
huduma hiyo kwa wawekezaji ni kutaka kupanua wigo katika sekta hiyo.
“Sisi tunatimiza agizo la rais John
Magufuli ambaye alisema Tanzania ya sasa ni ya viwanda, hivyo tumeona
tutengeneze mazingira mazuri ya
kuwakaribisha wawekezaji,” alisema.
Mkurugenzi huyo alisema huduma za mahala
pamoja zilianzishwa chini ya Sheria ya Uwekezaji Namba 26 ya mwaka 1997 ambayo
iliweka utaratibu wa utoaji vibali na leseni pamoja ili kumrahisishia mwekezaji
kupata huduma hiyo kwa urahisi.
0 comments:
Post a Comment