Lema arejeshwa rumande

Mery Kitosio, Arusha

Mbunge wa Arusha, Godbless Lema

MBUNGE wa Arusha Mjini, Goodbless Lema (Chadema), aliyepewa jina Rais mteule wa Marekani, Donald Trump, amerudishwa rumande baada ya mawakili wa Serikali kumkatia rufaa ya kupinga hukumu ya Mahakama ya Hakimu Mkazi Arusha, iliyomwachia huru kwa dhamana jana.

Hatua hiyo imekuja baada ya Hakimu Desideri Kamugisha wa mahakama hiyo kutoa uamuzi mdogo wa kumuachia kwa dhamana mshitakiwa huyo, baada ya kuridhika na hoja zilizotolewa na mawakili wa upande wa utetezi.

Katika hoz hizo, mawakili hao wa utetezi, wakiongozwa na Wakili Sheik Mfinanga, waliitaka mahakama hiyo impatie dhamana Lema kwa madi kuwa kosa linalomkabili linastahilii kupatiwa dhamana.

Hata hivyo baada ya hukumu hiyo ndogo, mawakili wa Serikali wakiongozwa na Paulo Kadushi na Materrus Marando, waliwasilisha ombi la mdomo la kukusudia kukata rufaa kupinga hukumu ya mahakama hiyo.

Kuwasilishwa kwa kusudio hilo la mawakili wa Serikali, kulisababisha Hakimu Kamugisha kuahirisha kwa muda wa dakika kumi usikilizwaji wa shauri hilo na baadae aliporejea, alisema mahakama hiyo haiwezi kuendelea na shauri hilo.

Hakimu Kamugisha alifafanua kuwa tayari upande wa Serikali wamefungua kesi ya kukata rufaa mahakama ya juu, ikidai kuwa mahakama yake haina uwezo wa kuendelea na shauri hilo, hadi Mahakama ya Rufaa itakapotoa uamuzi.

Kutokana na hatua hiyo, Mbunge Lema alirudishwa rumande kusubiri kesi hiyo ya rufaa ipangiwe jaji wa kuisikiliza.

Wakati huo huo Lema pamoja na mkewe Neema, wanatarajiwa kupanda kizimbani kesho kutwa katika kesi ya uchochezi inayowakabili  dhidi ya Mkuu wa Mkoa wa Arusha.

Wafuasi wa Lema waliokwenda kusikiliza kesi hiyo, walimshangilia kwa nguvu mbunge huyo wakati akipandishwa kwenye basi la Magereza huku wakimuita kwa jina la Donald Trump.

Share on Google Plus

About Unknown