Mary Mtuka
 |
| Dk. Philip Mpango |
WAZIRI wa Fedha na Mipango, Dk. Philip Mpango anatarajia
kuwa mgeni rasmi katika maadhimisho ya Siku ya Takwimu Afrika, yatakayofanyika
leo jijini Dar es Salaam.
Akizungumza Dar es Salaam jana, Meneja wa Takwimu Pato la
Taifa (NBS), Daniel Masolwa alisema siku hiyo huadhimishwa Novemba 18 ya kila
mwaka ambapo kaulimbiu ya mwaka huu ni 'Kuimarisha Takwimu za Kiuchumi kwa
Mtangamano wa Kikanda, Mabadiliko ya Miundo na Maendeleo.’
"Lengo la kuuadhimisha siku hii ni kuongeza uelewa
mpana kwa watumiaji wote wa takwimu Afrika, kuhusu umuhimu wa takwimu katika
kupanga mipango ya maendeleo katika sekta zote za kijamii na kiuchumi barani
Afrika," alisema Masolwa.
Alifafanua kuwa siku hiyo hutoa fursa kwa nchi kuthamini
na kufuata malengo yaliyofikiwa katika mipango ya ndani na nje ya nchi.
Masolwa alisema kuna umuhimu wa kuboresha na kuimarisha
takwimu za kiuchumi zenye ubora kwa utangamano wa kikanda barani Afrika, ili kusaidia
kuleta mabadiliko ya kiuchumi na kufanikisha malengo endelevu.
Kutokana na umuhimu huo, alisema ndio maana wanaadhimisha
siku hiyo kitaifa, ili kuwaleta pamoja wadau wa takwimu na watakwimu kutoka
taasisi mbalimbali za Serikali na binafsi, mashirika ya umma, vyuo vikuu
vinavyolingana na jamii zima kwa ujumla.
Aliwaomba wananchi kushiriki maadhimisho ya siku hiyo ili
kujionea takwimu zinavyotengenezwa, pamoja na kutoa ushirikiano.
0 comments:
Post a Comment