Kesi ya bangi dhidi ya Wema yaiva

Grace Gurisha

Wema Sepetu

UPANDE wa Jamhuri katika kesi ya kukutwa na msokoto wa bangi inayomkabili msanii maarufu nchini, Wema Sepetu umeieleza Mahakama kuwa upelelezi wa kesi hiyo umekamilika na kuomba siku ya kumsomea maelezo ya awali.

Hayo yalielezwa jana na Wakili wa Serikali, Hellen Moshi mbele ya Hakimu Mkazi Mkuu, Thomas Simba wa Mahakama ya Hakimu Mkazi Kisutu, Dar es Salaam wakati kesi hiyo ilipotajwa na kuangalia kama upelelezi umekamilika.

Baada ya Moshi kueleza hayo, Hakimu Simba aliahirisha kesi hiyo hadi Juni mosi Wema na wenzake watakaposomewa maelezo ya awali.

Wema anatuhumiwa kukutwa na vipande viwili vya bangi vyenye uzito wa gramu 1.08.

Mbali na Wema wengine ni wafanyakazi wake wa ndani Angelina Msigwa (21) na Matrida Abas (16), ambao wote wanashitakiwa kwa tuhuma moja ya kukutwa na kiasi kidogo cha dawa za kulevya.

Ilidaiwa kuwa Wema na wenzake walitenda kosa hilo Februari 4, nyumbani kwao Kunduchi Ununio, Kinondoni, Dar es Salaam walikutwa na misokoto hiyo.

Baada ya kusomewa mashitaka, walikana kuhusika, ambapo Katuga alidai upelelezi wa shauri hilo haukuwa umekamilika na kuomba tarehe nyingine ya kutajwa.

Msanii huyo na wenzake wako nje kwa dhamana ya wadhamini waliosaini dhamana ya Sh milioni tano kila mmoja.

Share on Google Plus

About Unknown