JPM amaliza ziara Kilimanjaro

Suleiman Msuya

Rais John Magufuli

RAIS John Magufuli, amemaliza ziara ya siku tatu mkoani Kilimanjaro, ambapo pamoja na mambo mengine, alikuwa mgeni rasmi katika maadhimisho ya Siku ya Wafanyakazi Duniani, Mei Mosi.

Katika maadhimisho hayo, Rais alitangaza kuboresha mishahara ya wafanyakazi kulingana na madaraja, huku akiahidi kupandisha mishahara mwakani.

Ziara ya Rais Magufuli ilianza Jumamosi iliyopita akipokewa na wananchi wa mkoa huo waliomsindikiza kuanzia Boma Ng’ombe hadi Moshi Mjini.

Akizungumza katika ziara hiyo, Rais Magufuli alisema hajawahi kuona mapokezi makubwa ya kiwango hicho ambapo pia aliwaambia amewasamehe na wao wamsamehe.

Pia Rais Magufuli alikutana na viongozi wa dini mkoani humo na kuzungumza nao masuala ya maendeleo na kuwataka wamwombee asiwe na kiburi.

Katika ziara hiyo, viongozi wa dini walimpongeza kwa kuongoza nchi kwa amani huku wakimtaka kusimamia haki za binadamu.

Katika Uwanja wa Ndege wa Kimataifa wa Kilimanjaro (KIA), Rais Magufuli aliagwa na viongozi wa mkoa huo wakiongozwa na Mkuu wa Mkoa wa Kilimanjaro, Said Meck Sadick.

Share on Google Plus

About Unknown