Ukeketaji bado tatizo

Mery Kitosio, Monduli

VIONGOZI wa kimila wametakiwa kutoa elimu kwa jamii kuhusu madhara ya ukeketaji kwa watoto wa kike ili kupunguza vitendo hivyo.

Hayo yamesemwa na Mkurugenzi wa Shirika la Hinzi Makilini Rumanyika wakati wa mjadala maalumu uliowakutanisha Malaigwanani wa Kata ya Sepeko iliyopo Monduli.

Alisema wamekutana na viongozi wa kimila ili kujadili tathimini ya masuala ya kampeni ya kupambana na ukeketaji wa watoto wa kike na wanawake wa jamii ya wafugaji ya Kimasai kwani wao wamekuwa wakishirikiana nao katika kumaliza tatizo hilo.

“Tumekutana na Malaigwanani wa rika mbalimbali ili kuangalia mwenendo wa ukeketaji wa wanawake na watoto kwa jamii ya wafugaji wa Kimasai, kwani tumebaini kuwa watoto chini ya miaka mitano wameanza kufanyiwa vitendo hivyo wakati suala hilo kwa sasa linapigwa vita na tunahitaji kulitokomeza kwa kushirikiana,” alisema Rumanyika.

Share on Google Plus

About Unknown