Salha Mohamed
 |
| Ali Hapi |
KAIMU Mkuu wa
Mkoa wa Dar es Salaam, Ali Hapi, ametaka wakuu wa vitengo na madiwani
kuidhinisha Sh bilioni 4.5 kwa ajili ya ujenzi wa madarasa.
Hapi ambaye pia
ni Mkuu wa Wilaya ya Kinondoni, amesema fedha hizo ni kwa kila manispaa ikiwa
ni pamoja na kuorodhesha matumizi ya kila fedha walizotumia.
Hayo
yalibainishwa juzi Dar es Salaam kwenye mkutano uliojumuisha wafanyakazi wa
Halmashauri na Manispaa ya Kigamboni kwenye ziara ya Waziri Mkuu, Kassim Majaliwa
wilayani Kigamboni.
Hapi alisema
tangu Waziri Mkuu akiwa Lindi aagize kila mkoa uhakikishe wanafunzi wote
waliofaulu kidato cha kwanza wanapata fursa ya kuendelea na masomo, mkoa huo
umekuwa ukichukua hatua mbalimbali ili kufanikisha agizo hilo.
“Nakuhakikishia
Waziri Mkuu, Dar es Salaam tumejipanga, tumeanza kuchukua hatua ikiwa ni pamoja
na kutuma maombi ya kibali kwa Kamishna wa Elimu ili kuanzishwe zamu mbili za
asubuhi na mchana, ili wanafunzi wote wasome kwa wakati mmoja,” alisisitiza.
Alisema miongoni
mwa hatua hizo ni ujenzi wa madarasa ambayo fadha zao zinatokana na malipo ya
kampuni ya simu ya Zantel ya Sh milioni 687 iliyokuwa ikidaiwa na Halmashauri
ya Kinondoni kwa ajili ya kodi ya pango.
Alisema kiasi
hicho kitajenga madarasa mengi kwani fedha hizo hazikuwa kwenye bajeti tangu
awali kutokana na mikataba yake kunyofolewa na zitatumika kwa ujenzi.
Hapi alikiri
kuwa katika Jiji hilo bado kuna changamoto ya upungufu wa madarasa 40 na kutaka
wakurugenzi wa manispaa zote za Jiji, kusimamia ujenzi wa madarasa unaoendelea
ili hadi Machi 30 uwe umekamilika.
Waziri Mkuu
Majaliwa alisema fedha zitakazotengwa kwa ajili ya ujenzi wa madarasa ziendane
na hadhi ya darasa husika.
Alisema kwa sasa
Serikali imeahidi kuongeza kiwango cha ruzuku kwa kila halmashauri huku kila moja
ikipaswa kujua matatizo ya halmashauri zao.
Akizungumzia
suala la walimu, Majaliwa alisema wamesitisha kuajiri walimu wa masomo ya Sanaa
badala yake wanaajiri walimu 4,000 wa masomo ya Sayansi.
"Tayari
tumeunda tume ya kupitia mishahara ya watumishi wa umma wakiwamo walimu kwa
kushirikiana na vyama vya wafanyakazi,” alisema.
0 comments:
Post a Comment