Leonce Zimbandu
 |
| Sisty Nyahoza |
KATIBU wa Baraza la Vyama vya Siasa, Sisty Nyahoza,
amesema wajumbe wanane wamejitokeza kugombea uenyekiti wa Baraza hilo, akiwamo
aliyegombea urais kwa tiketi ya chama cha ACT-Wazalendo, Anna Mghwira.
Wengine katika nafasi hiyo, ni Fahmi Davutwa ambaye ni Mwenyekiti
wa UPDP, Hassan Almas (Naibu Katibu Mkuu NRA), John Cheyo (UDP), Yusuph
Manyanga (Mwenyekiti SAU), John Shibuda (Katibu Mkuu Tadea), Constantine
Akitanda (Mwenyekiti CCK) na Hashim Rungwe (Mwenyekiti Chauma).
Kwa mujibu wa taarifa iliyotumwa kwenye vyombo vya habari
juzi, Nyahoza alisema majina hayo yalitolewa
baada ya siku ya mwisho kwa wajumbe kuwasilisha fomu
zao za kugombea.
Taarifa ilisema wajumbe wanne walijitokeza kugombea umakamu
Mwenyekiti ambao ni Ameir Hassan Ameir (Katibu Mkuu Demokrasia Makini), Vuai
Ali Vuai (Naibu katibu Mkuu CCM), Haji Ambari Kamis (Makamu Mwenyekiti NCCR-Mageuzi
na Said Soud Said (Mwenyekiti AFP).
“Uchaguzi wa Mwenyekiti na Makamu Mwenyekiti utafanyika
Desemba 19,” alisema.
0 comments:
Post a Comment