WATOTO 61 wamezaliwa usiku wa mkesha wa Sikukuu ya
Krismasi katika Hospitali ya Taifa ya Muhimbili (MNH) pamoja na hospitali za rufaa
za Mkoa wa Dar es Salaam za Amana, Temeke na Mwananyamala. Kati ya watoto hao,
watoto 30 ni wa kiume na wengine 31 wa kike.
Ofisa Muuguzi wa zamu wa Jengo la Wazazi la MNH, Amina Kidavashari
alisema watoto tisa walizaliwa katika mkesha huo ambapo kati yao wa kike ni
wanne na wa kiume ni watano. “Watoto tisa wamezaliwa usiku wa kuamkia leo
(jana) wanne wa kike na wa kiume watano idadi ya wazazi wanaokuja kujifungulia
hapa Muhimbili imepungua sababu ya kuwapo hospitali za rufaa zinazotoa huduma
ya uzazi,” alisema.
Alisema watoto watano walizaliwa kwa njia ya operesheni na
wanne walizaliwa kwa njia ya kawaida.
Muuguzi Kiongozi wa zamu wa Hospitali ya Rufaa ya Mkoa wa
Amana, Theresia Akida alisema wataoto 28 walizaliwa hospitalini hapo na kati yao
wa kiume ni 16 huku wa kike wakiwa 12 na kwamba wawili pekee ndio waliozaliwa
kwa operesheni.
Kwa upande wake, Ofisa Muuguzi wa zamu wa Hospitali ya Mwananyamala,
Zulfa Julla alisema watoto 16 wamezaliwa mkesha wa Krisimasi na kwamba idadi ya
watoto wa kiume na wa kike ni sawa kwani kila jinsi wamezaliwa watoto wanane. Naye,
Ofisa Muuguzi wa Temeke, Hamisa Thabiti alisema watoto wanane walizaliwa na
kati yao wa kiume mmoja.
Hamisa alisema miaka ya nyuma hospitali hiyo watoto kati ya
30 hadi 45 walikuwa wakizaliwa na kufafanua kuwa idadi hiyo imepungua kutokana
na kuwepo kwa vituo vya afya katika maeneo ya pembezoni mwa wilaya hiyo.
Aliongeza kuwa maeneo kama vile Mbagala kwa sasa
wanategemea Kituo cha Mbagala Rangitatu, Maji Matitu, Round table na
kusababisha msongamano wa wazazi wanaohiyaji kujifungua kupungua katika
hospitali ya Temeke.
0 comments:
Post a Comment