Celina Mathew
SEKRETARIETI ya Chadema, imefanya kikao
cha dharura kujadili masuala mbalimbali likiwamo la Rasimu ya Katiba.
Kutokana na kikao hicho, Baraza la
Vijana la Chadema (Bavicha), liliahirisha mkutano wake uliokuwa ufanyike jana
na badala yake utafanyika leo.
Akizungumza na JAMBO LEO, Msemaji wa
Chama hicho, Tumaini Makene alisema Sekretarieti hiyo lengo lake ni kusimamia
utendaji wa chama na vikao vyake hufanyika siku yoyote, muda wowote.
Alisema kwenye kikao hicho pamoja na
kuzungumzia masuala ya chama pia ajenda nyingine inaweza kuwa maandalizi ya
vikao vya ndani vya chama vyenye lengo la kujadili Rasimu ya Katiba ya Jaji mstaafu
Joseph Warioba.
Kikao hicho kilifanyika chini ya Katibu
Mkuu wa Chama, Dk Vincent Mashinji, manaibu wake, wakurugenzi wote wa chama na
wataalamu wengine kwa mujibu wa Katiba ya Chama.
0 comments:
Post a Comment