Mtandao wa wanaume kuanzishwa kila kata

Celina Mathew

Ummy Mwalimu

WAKATI ikielezwa kuwa ukatili wa kijinsia unaigharimu Serikali asilimia saba ya pato ghafi la Taifa, yenyewe imesema itaanzisha mtandao wa wanaume kila kata watakaokuwa na kazi ya kutetea haki za wanawake na watoto wanaofanyiwa matukio hayo.

Akizungumza Dar es Salaam juzi, Waziri wa Afya, Maendeleo ya Jamii, Jinsia, Wazee na Watoto, Ummy Mwalimu alisema lengo ni kuhakikisha masuala ya ukatili ya kijinsia yanapungua kama si kukoma kabisa.

Alisema pia wataanzisha madawati kwenye shule za msingi na sekondari ili watoto wanaopata matatizo kama hayo wapate msaada wa haraka.

"Kwa kweli tatizo la ukatili wa kijinsia kwa wanawake na watoto ni changamoto kubwa na ni janga la dunia si Tanzania tu, hivyo ni lazima tulidhibiti kwa kiasi kikubwa," alisema.

Alisema licha ya kuundwa kwa madawati kwenye vituo vya Polisi pia wataanzisha kamati za ulinzi kila mtaa na kijiji, ili kuhakikisha watoto na wanawake wanaofanyiwa vitendo hivyo, wahusika wanakamatwa na kuchukuliwa hatua.

Share on Google Plus

About Unknown