Enlesy Mbegalo
SERIKALI imesema kuwa itaanza kutoa
takwimu za kilimo kwa vifaa vya teknolojia za simu za mkononi na komputa
mpakato ili ziweze kupunguza gharama ya kuandaa madodoso.
Hayo yalisemwa jana jijini Dar es Salaam
na Meneja wa Takwimu za Kilimo kutoka Ofisi ya Taifa ya Takwimu (NBS), Titus
Mwisomba wakati wa Mkutano wa siku tano
wa wadau wa Takwimu za Kilimo Kanda ya Afrika.
Mwisomba alisema kuwa takwimu hizo za
teknolojia zitawasaidia wadau hao
wanaoshiriki katika masuala mbalimbali ya
kilimo ili waweze kupata takwimu za kilimo zenye ubora kwa wakati.
“Rasilimali tulizonazo ni ndogo na
tumejipanga kuanza kutoa takwimu kwa kutumia teknolojia ili tuweze kupunguza
gharama za madodoso na matokeo yaweze kutolewa kwa wakati,” alisema Mwisomba
Aliongeza kuwa takwimu hizo zikitolewa
kwa njia ya teknolojia zitasaidia pia kupunguza gharama za tafiti zingine.
Katibu Mkuu wa Wizara ya Kilimo, Mifugo
na Uvuvi, Dk.Frolence Turuka alisema mkutano huo utasaidia namna ya kuwa na ukusanyaji bora wa takwimu
za kilimo.
“Nchi nyingi za Afrika zinategemea sana
kilimo labda ni utofauti tu ni kwa kiasi gani, ila Tanzania pato la taifa
linategemea kilimo kwa asilimia 30,”alisema Dk. Turuka
Alisema kuna shida ya kuwa na takwimu
sahihi na mkutano huo utasaidia katika
kupanga mikakati ya pamoja ambayo itawezesha Nchi za Afrika katika kupanga
mikakati ya maendeleo ya kilimo hasa maeneo ya vijijini.
0 comments:
Post a Comment