Hussein Ndubikile
CHAMA cha Wafanyakazi wa Reli nchini
(Trawu) kimepata safu mpya ya uongozi baada ya kukamilisha Mkutano Mkuu wa
Uchaguzi uliofanyika Dodoma.
Akizungumza na JAMBO LEO jana, Makamu
Mwenyekiti wa Trawu, Yusuph Mandai alisema wajumbe 89 walishiriki mkutano huo
huku akibainisha kwamba nafasi ya Mwenyekiti wa Chama hicho imechukuliwa na
Lomitu ole Saitabau kutoka Shirika la Reli Tanzania (TRL).
"Wajumbe 89 walipiga kura na kila
mtu aliyechaguliwa alipata asilimia 50 ya kura zilizopigwa," alisema.
Alitaja wengine waliochaguliwa kuwa ni
Katibu Mkuu, Christopher Kaziyo, Naibu Katibu Mkuu, Nashon Malyeri, Mwenyekiti
wa Kamati ya Wanawake Taifa,Theresia Mahagatila na Makamu wake,Elizabeth
Msemwa.
Alisisitiza kuwa safu ya uongozi
iliyochaguliwa itatimiza majukumu yake kwa kufuata maadili na taratibu za kazi.
Aliongeza kuwa anafahamu kuwa
wafanyakazi wa reli wana changamoto nyingi zinazowakabili hivyo watajipanga
kuhakikisha zinapewa ufumbuzi.
0 comments:
Post a Comment