Grace Gurisha
MAHAKAMA ya Hakimu Mkazi Kisutu, Dar es Salaam leo
inatarajia kutoa uamuzi wa madai ya mwili wa marehemu Ernest Materego uzikwe
wapi baada ya kutokea mvutano mkubwa wa ndugu wa marehemu.
Uamuzi huo wa Mahakama hiyo unatokana na mvutano wa ndugu
wa marehemu hao ambao wengine wanataka ndugu yao azikwe Dar es Salaam huku wengine
wakitaka akazikwe Bunda, Mara.
Mgogoro huo uliibuka Novemba 19 Materego alipofariki
dunia, na mtoto wa marehemu, mke na mdogo wa marehemu,
ambapo kila mmoja alikuwa na uamuzi wake, ndipo walipoamua kukimbilia
mahakamani.
Uamuzi huo unatarajiwa kutolewa na Hakimu Mkazi
Mwandamizi, Thomas Simba, baada ya kushindwa kutoa uamuzi huo jana kutokana na kuwapo
vitu vingi ambavyo alitakiwa avisome ili atoe uamuzi.
Hakimu Simba alifikia uamuzi huo, baada ya kusikiliza
hoja za pande zote mbili, ambapo wadai walitaka kuzika Dar es Salaam kwa sababu
ndiko marehemu alikoishi uhai wake wote wa miaka 70.
Hata hivyo, mdaiwa akijibu madai hayo, alidai marehemu
alikuwa akiishi pia Bunda, hivyo anatakiwa kuzikwa huko na si Dar es Salaam,
ambapo waliiomba Mahakama itoe amri ya muda, mwili usizikwe hadi madai
yatakaposikilizwa na kutolewa uamuzi.
Wadai katika kesi hiyo ni Edwin Materego, ambaye ni mtoto
wa marehemu na mke wa marehemu, Joyce Materego.
0 comments:
Post a Comment