Moses Ng’wat, Rungwe
FARAJA Sweli (28) mkazi wa kijiji cha
Ndaga, wilayani hapa amefikishwa mahakamani akituhumiwa kumnajisi mwanafunzi
(jina limehifadhiwa) wa darasa la pili.
Akisoma mashitaka dhidi ya Sweli mbele
ya Hakimu Mkazi Mkuu Wilaya ya Rungwe, Paul Ntumo jana, mwendesha mashitaka wa
Polisi, John Asalile alidai kuwa, mtuhumiwa alitenda kosa hilo Januari mosi.
Alidai kuwa kabla ya kutenda uovu huo,
alivamia nyumbani kwa wazazi wa mwanafunzi huyo waliokuwa wamelala usiku na
kumnajisi na kumsababishia maumivu makali.
Akifafanua, mwendesha mashitaka huyo alidai
pia kwamba mtuhumiwa akiwa na lengo la kufanya uovu huo alimchukua mwanafunzi
huyo mbele ya dada yake wakiwa wamelala saa nane usiku huku akamtishia dada
huyo.
Kutokana na shauri hilo, upande wa
mashitaka uliwasilisha mashahidi watatu mahakamani hapo na kutoa ushahidi kabla
ya hakimu kuiahirisha kesi hiyo hadi Februari 13.
Siku hiyo, Mahakama itaendelea
kusikiliza mashahidi waliobaki wa upande wa mashitaka.
0 comments:
Post a Comment