Emeresiana Athanas
 |
| Anne Kilango |
ALIYEKUWA Mkuu wa Mkoa wa Shinyanga,
Anne Kilango, amemshukuru Rais John Magufuli kwa kumteua kuwa Mbunge huku
akisema Mungu ni mwaminifu.
Aidha kutokana na uteuzi huo, ameahidi
kufanyakazi kwa kushirikiana na wabunge wenzake na kurejesha heshima ya chama
hasa katika kipindi hiki cha kuleta maendeleo.
Kauli hiyo inakuja siku moja baada ya
Rais kumteua Kilango kuwa mbunge wa viti maalumu.
Akizungumza na gazeti hili jana, Kilango
alisema Mungu ni mwema na kumshukuru Rais kwa kuonesha imani na uaminifu kwake.
"Namshukuru Rais kwa kuonesha imani
yake kwangu, naamini nitaenda kufanya kazi ipasavyo," alisema.
Alisisitiza kuwa kazi aliyoteuliwa
ameifanya kwa muda wa miaka 15 kupitia Jimbo la Same, kwa jitihada kubwa na
kuahidi kuendeleza jitihada hizo kwa kushirikiana na wabunge wenzake.
Alisema atafanyakazi kwa bidii zote
katika kuhakikisha anakipa heshima chama chake.
April 11 mwaka jana Rais alitengua
nafasi ya Kilango ya Mkuu Wa Mkoa wa Shinyanga na Katibu Tawala wa Mkoa, Abdul
Dachi okufuatia mkoa huokutia taarifa zisizo sahihi kuwa hauna watumishi hewa.
Kutokana na taarifa hiyo, Rais alituma
timu ya ukaguzi ambapo Aprili 10 mwaka Jana ilitoa taarifa ya kubaini kuwepo
kwa watumishi hewa 45 mkoani humo.
0 comments:
Post a Comment