Jemah Makamba
MKAZI wa Ukonga, Dar es Salaam, Rashid
Ramadhan, amefikishwa kwenye Mahakama ya Wilaya ya Ilala akituhumiwa kumpa mimba
mwanafunzi wa kidato cha pili mwenye umri wa miaka 15.
Akisowa mashitaka hayo juzi, mbele ya
Hakimu Adelf Sachore, mwendesha mashitaka, Munde Kalombola alidai mshitakiwa
alitenda kosa hilo Novemba 16 mwaka jana Ukonga, Mombasa ambapo pia alimkatisha
masomo yake.
Baada ya kusomewa mashitaka mshtakiwa
alikana kutenda kosa ambapo mwendesha mashitaka alisema upepelezi wa kesi hiyo haujakamilika
lakini mshtakiwa ana haki ya dhamana kama atakidhi masharti atakayopewa.
Hakimu alisema dhamana ya mshitakiwa ni
wadhamini wawili wenye ajira kwenye taasisi inayotambulika, ambapo watasaini
ahadi ya Sh milioni mbili kila mmoja.
Mshitakiwa alishindwa kukidhi masharti
ya dhamana na kurudishwa rumande hadi Aprili 6 kesi hiyo itakapotajwa.
0 comments:
Post a Comment