Emeresiana Athanas
OFISA Uhusiano wa Kampuni Hodhi ya
Rasilimali za Reli (Rahco), Catherine Mushi amesema ubomoaji wa nyumba zilizo kwenye
hifadhi ya reli unatarajiwa kuhamia Morogoro na Pwani.
Aidha, amewataka Watanzania kushirikiana
kulinda miundombinu ya reli na mali zote za Serikali.
Akizungumza na gazeti hili Dar es Salaam
jana, ofisa huyo alisema hatua hiyo ni mwendelezo wa bomoabomoa iliyoanzia Dar
es Salaam katika maeneo mbalimbali yakiwamo ya Pugu na Ubungo.
Alisema katika mikoa hiyo, notisi ya
siku 30 inatarajia kwisha Aprili 3 na hivyo ubomoaji unatarajia kuanza Aprili 10 katika
mikoa mingine.
"Notisi katika mikoa hiyo imekwisha
na tayari wamepewa taarifa. Katika hatua hii kumekuwa na malalamiko ya wananchi,
lakini tunashukuru wanapisha licha ya kulalamika," alisema.
Alitumia nafasi hiyo kuwataka wakazi
wote wanaoendelea kuishi kwenye hifadhi
za reli kupisha ujenzi wa reli mpya ya kisasa.
0 comments:
Post a Comment