Dotto Mwaibale
MANISPAA ya Ilala imeombwa kufanya
jitihada za makusudi kunusuru daraja linalounganisha Gongolamboto na Machinjio
ya Pugu kwani liko hatarini kusombwa na maji.
Mwito huo ulitolewa Dar es Salaam jana
na wakazi wa Pugu Machinjioni wakisema hatua za haraka zisipochukuliwa
mawasiliano ya wananchi wa Gongolamboto yatakatika na kuwa adha kwao.
"Tunaomba Manispaa ilifanyie
ukarabati daraja hili ambalo kwa sehemu kubwa kingo zake zimesombwa na maji
kutokana na mvua zinazoendelea kunyesha," alisema Omari Mshamu mkazi wa
eneo hilo.
Mkazi mwingine Marietha Stanslaus
alisema iwapo daraja hilo litasombwa na maji watakaopata shida zaidi ni
wanafunzi watakaolazimika kutumia njia ndefu kufika shuleni kwa kuwa wengi wao
wanasoma shule za Gongolamboto.
Jithada za kumpata Diwani wa eneo hilo
kuzungumzia suala hilo zilishindikana baada ya simu yake kutopatikana.
0 comments:
Post a Comment