Grace Gurisha
MFANYABIASHARA
Erick Lugeleka amepandishwa kizimbani katika Mahakama ya Hakimu Mkazi Kisutu,
Dar es Salaam, akituhumiwa kuhamisha mali iliyowekewa zuio na Mwanasheria Mkuu
wa Serikali (AG).
Akisoma
hati ya mashitaka jana, Wakili wa Taasisi ya Kuzuia na Kupambana na Rushwa
(Takukuru), Magela Ndimbo mbele ya Hakimu Mkazi, Victoria Nongwa, alidai kuwa
mshitakiwa huyo anatuhumiwa kuhamisha umiliki wa mali.
Alidai
kuwa Julai 15, 2010 Lugeleka akiwa mmiliki wa nyumba namba 223 kitalu ‘B’
kilichoko Kijitonyama, Dar es Salaam, alihamisha mali hiyo akidai ni ya Yusufu
Matimbwa na kukiuka taarifa iliyotolewa na AG, Machi 18, 2010.
Ilidaiwa
kuwa Mei 21, 2010 mfanyabiashara huyo alihamisha mali hiyo huku akijua ilizuiwa
kwa ajili ya uchunguzi. Baada ya mshitakiwa kusomewa mashitaka alikana kuhusika.
Ndimbo
alidai kuwa hajui hatua ya upelelezi ilipofikia kwa sababu hajui jalada liliko,
hivyo kuomba kesi hiyo ipangwe tarehe nyingine ya kutajwa, ili apate muda wa
kufuatilia hatua ya upelelezi na pia alidai hana pingamizi na dhamana.
Hakimu Nongwa
alisema ili mshitakiwa awe nje kwa dhamana anatakiwa awe na wadhamini wawili, kila
mmoja asaini dhamana ya Sh milioni 10 na wawe na anuani za kuaminika.
Hadi
gazeti hili linaondoka eneo la Mahakama, mshitakiwa alikuwa hajadhaminiwa kwa
sababu ilidaiwa kuwa wadhamini wake walikuwa njiani kufika mahakamani, hivyo
mshitakiwa aliendelea kushikiliwa na Polisi hadi wadhamini wafike.
0 comments:
Post a Comment