Mwandishi Wetu
 |
| Profesa Makame Mbarawa |
WAZIRI wa Ujenzi, Uchukuzi na
Mawasiliano Profesa Makame Mbarawa,
ameipa miezi miwili Kampuni ya Simu
Tanzania (TTCL), kuhakikisha inapata
dola za Marekani milioni 50 (Sh.bilioni 107.5) ili kuongeza pato kwa kampuni na
Taifa.
Mbarawa ametoa agizo hilo mjini Bukokba jana
ambapo alisema limetokana na Serikali kuongeza masafa kwa kampuni hiyo kutoka
10 hadi 200 (MHZ) ambayo yana uwezo wa kuunganisha wateja wengi na wakubwa
zaidi.
"Hakikisheni mnajipanga kuipata
hiyo fedha ndani ya miezi miwili na kuwapatia masafa ya kutosha wateja mlionao
ndani na nje ya nchi na kujitahidi kuongeza wateja wengi zaidi", alisema
Prof. Mbarawa.
Alisisitiza kampuni za simu nchini
kuchangamkia fursa ili kupata masafa yenye uwezo mkubwa kupitia Mkongo wa Taifa.
Aidha, ameitaka TTCL kuongeza wigo wa kuwasiliana na wateja wakubwa ili
kuwashawishi kununua masafa hayo
kulingana na mahitaji yao, hivyo kuongeza wigo wa kibiashara na kuiwezesha kampuni hiyo kupata faida zaidi.
Kwa upande wake, Meneja wa TTCL Mkoa wa
Kagera, Salum Mbaya aliihakikishia Serikali
kuwa wataanza mara moja kazi ya kutembelea wateja wa ndani na nje ya nchi kwa
lengo la kuwapatia taarifa za ongezeko la uwezo wa mkongo na kuwashiwishi
kujiunga ili kupatiwa masafa wanayohitaji.
Mbaya ametaja kuwa mpaka kufikia sasa
nchi zilizounganishwa na mkongo wa Taifa
ni Rwanda, Burundi, Uganda, Zambia, Kenya na Malawi.
Aidha, Waziri Mbarawa alitembelea Uwanja
wa Ndege wa Bukoba na kuahidi kutatua changamoto zinazoukabili uwanja huo
ikiwemo kujenga jengo la kuongozea ndege ili kuongeza ufanisi na usalama katika
usafiri wa anga.
Meneja wa Mamlaka ya Viwanja vya Ndege
nchini mkoa wa Kagera, Dorice Uhagile,
licha ya kuelezea mafanikio mbalimbali kama vile ongezeko la ndege na wateja
uwanjani hapo pia amefafanua changamoto mbalimbali zinazoukabili uwanja huo na
kuiomba serikali iweze kuwatatulia.
0 comments:
Post a Comment