Seif Mangwangi, Arusha
MKURUGENZI wa
Kiwanda cha Usagishaji Nafaka cha Monaban Trading and Farming cha jijini
hapa, Dk Philemon Monaban ametaka wafanyabiashara wenzake kutii agizo la
Serikali la kutopeleka mahindi nje ya nchi.
Pamoja na kutoa mwito
huo, kampuni hiyo pia imetangaza kununua mahindi kwa kiwango cha Sh 600 kwa
kilo na hivyo kuwataka wafanyabiashara nchini kupeleka mahindi yao kiwandani
hapo.
Dk. Monaban aliwashangaa
wafanyabiashara ambao wamekuwa wakitorosha mahindi nje ya nchi wakati Taifa
bado lina uhitaji mkubwa wa mahindi kutokana na janga kubwa la ukame lililolikumba
Taifa mwaka jana.
Alisema amelazimika
kununua mahindi ili kuunga mkono wakulima na wafanyabiashara ambao wamekuwa
wakilenga masoko ya nje ya nchi huku soko la ndani likiwa halijatosheleza.
"Mimi
kuanzia Leo natangaza kununua mahindi, kama kuna wakulima au wafanyabiashara
wanapeleka nje ya nchi mahindi, waache waje kiwandani, tutanunua kwa bei nzuri
ya Sh 600 kwa kilo," alisema.
Dk Monaban
alisema juzi alipokea simu kutoka kwa viongozi wa wilaya za Siha na Rombo mkoani
Kilimanjaro, wakimwuliza kama ananunua mahindi baada ya viongozi hao kukamata
magari yakisafirisha mahindi nje ya nchi.
"Nilipigiwa
simu juzi na wakuu wa wilaya za Siha na Rombo wakiniuliza kama nanunua mahindi,
nikawaambia ndio na ndiyo maana unaona hapo nje kuna magari mengi yana mahindi,
nanunua mahindi yaliyokamatwa Moshi," alisema.
Alisema Rais
Magufuli amekuwa na lengo zuri la kukataza uuzwaji mahindi nje ya nchi ili
kutengeneza ajira na kuuza mazao ambayo tayari yamesagwa.
0 comments:
Post a Comment