Seif Mangwangi, Arusha
JESHI la Polisi Mkoa wa Arusha limeamua kuondoa nia yake ya awali
ya kumfikisha mahakamani Mbunge wa Arusha mjini, Godbles Lema kufuatia kudaiwa
kugoma kula chakula wakati akiwa katika mahabusu ya Polisi jijini hapa.
Akizungumza na JAMBO
LEO jijini hapa, Kamanda wa Polisi Mkoa wa Arusha Charles Mkumbo alisema
jana wameamua kuondoa nia hiyo baada ya kugundua kuwa Lema alikuwa akila
chakula kupitia kwa mahabusu wenzake.
Alisema taarifa ambazo zililifikia jeshi hilo ni kwamba mbunge
huyo alikuwa akigoma kula chakula ambacho alikuwa akipelekewa na mke wake na
alipokuwa akibembelezwa akile alikikataa hivyo jeshi hilo kujipanga kumfikisha
mahakamani.
“Hata hivyo uchunguzi tulioufanya tulikuja kugundua kuwa baada ya
yeye kugoma kula chakula cha mke wake na kubembelezwa mara kadhaa na kukataa,
lakini alikuwa akila chakula kwa siri kupitia mahabusu wenzake aliokuwa nao
ndani,”alisema.
0 comments:
Post a Comment